მისია ჩვენ ვარსებობთ იმისთვის, რომ ხელი შევუწყოთ საქართველოში მოქმედი ბანკების მდგრად განვითარებას და დავიცვათ საბანკო სექტორის ინტერესები — წევრი ბანკების, მათში დასაქმებული ადამიანებისა და ქვეყნის ეკონომიკის საკეთილდღეოდ.
ჩვენი მიზნები
- ბანკების ინტერესების წარმოჩენა და დაცვა, მდგრადი განვითარების უზრუნველსაყოფად
- საზოგადოებაში ფინასური ცნობიერების დონის ამაღლება
- საბანკო სექტორის შესახებ ჯანსაღი საზოგადოებრივი აზრის ფორმირება
- საზოგადოებაში კიბერუსაფრთხოების ცნობიერების დონის ამაღლება
- ქართული საბანკო სექტორის საერთაშორისო საბანკო ურთიერთობებში ინტეგრირება
- სექტორში დასაქმებულთა პროფესიული განვითარების ხელშეწყობა
როგორ ვმუშაობთ
ჩვენ ვაერთიანებთ სექტორის გამოცდილებას, ძალასა და ხმას.
წარმოვადგენთ სექტორს და ვთანამშრომლობთ სხვადასხვა დაინტერესებუ6ლ მხარეებთან, იქნება ეს ადგილობირივი თუ საერთაშორისო საფინანსო ინსტიტუტები, საერთაშორისო ორგანიზაციები, სახელმწიფო სტრუქტურები, ეროვნული ბანკი, დარგობრივი ასოციაციები, თუ საზოგადოება მთლიანად.
საქართველოს საბანკო ასოციაციში საქართველოში მოქმედი თოთხმეტივე ბანკი ერთიანდება, თითო ბანკს, ზომისა და პროფილის მიუხედავად, ასოციაციაში გადაწყვეტილების მიღებისას ერთი ხმა აქვს.
რას ვაკეთებთ
- კოორდინაციას ვუწევთ სექტორისთვის მნიშვნელოვანი ერთობლივი პროექტების და პროგრამების განხორციელებას
- ვაკავშირებთ სექტორსა და სხვადასხვა დაინტერესებულ მხარეებს თანამშრომლობისთვის
- შევისწავლით საუკეთესო საბანკო გამოცდილებას და ვაზიარებთ მას სექტორისა და ეკონომიკის საკეთილდღეოდ
- გამოვხატავთ და ვლობირებთ საბანკო სექტორის ინტერესებს
- ყველა ბანკის მონაწილეობით ჩართული ვართ საფინანსო სექტორთან დაკავშირებულ კანონშემოქმედებით საქმიანობაში
- ჩვენს წევრებს ვუწევთ საკონსულტაციო და საინფორმაციო მომსახურებას
- ვაორგანიზებთ თემატურ კონფერენციებს, სემინარებს, ფორუმებს
- ვახორციელებთ სხვადასხვა სასწავლო პროგრამებს
- ვმონაწილეობთ ფინანსური ცნობიერების დონის ამაღლების პროექტებში
ვახორციელებთ კიბერუსაფრთხოების ცნობიერების დონის ამაღლებაზე მიმართულ პროექტებს
